Yojana :: Current Affairs

निर्माण कुसुम योजना

निर्माण कुसुम योजना –

ओडिशाचे मुख्यमंत्री नवीन पटनायक यांनी 6 ऑक्टोबर रोजी या योजनेची सुरुवात केली आहे. या योजनेद्वारे बांधकाम क्षेत्रामध्ये काम करणाऱ्या कामगारांच्या मुलांना तांत्रिक शिक्षणासाठी आर्थिक मदत दिली जाणार आहे. या योजनेसाठी 1.09 कोटी रुपयांची तरतूद करण्यात आली आहे.

योजनेची वैशिष्ट्ये –

१) सुमारे 1878 विद्यार्थ्यांना योजनेचा लाभ

२)ITI विद्यार्थ्यांना 23,600 रुपये वार्षिक आर्थिक साहाय्य

३) डिप्लोमा विद्यार्थ्यांना 26,300 रुपये वार्षिक आर्थिक साहाय्य

४) मुलींसाठी सरकारने या प्रोत्साहनपर रक्कमेमध्ये 20% वाढ करण्याचा निर्णय घेतला असून मुलींसाठी आर्थिक सहाय्य इयत्ता सहावीपासून पदवीपर्यंत दिले जाणार आहे.

५) कामगारांच्या मृत्यूपश्चात देण्यात येणारी रक्कम 1 लाख रुपयांहून वाढवून 2 लाख रुपये केली आहे.

६) कामगारांना अपघात झाल्यावर मिळणारी मदत 2 लाख रुपयांहून वाढवून 4 लाख रुपये केली आहे.

उद्यम अभिलाषा जागृती अभियान

महात्मा गांधींच्या १५० व्या जयंतीनिमित्त भारतीय लघु विकास बँकेने (SIDBI) राष्ट्रीय पातळीवर स्वयम उद्यमशीलतेला प्रोत्साहन देण्यासाठी ”उद्यम अभिलाषा” हे अभियान चालू केले आहे.

नीती आयोगाने २८ राज्यांमधील ओळखलेल्या विकास आकांक्षीत ११५ जिल्ह्यांमध्ये हे अभियान राबवले जाणार असून त्या अंतर्गत १५,००० युवकांपर्यंत पोहचण्याचे उद्दिष्ट आहे.

३ ऑक्टोबर ते ८ ऑक्टोबर या कालावधीत देशभरात हे अभियान राबवले जाणार आहे.

SIDBI ने यासाठी CSE प्रशासन सेवा या विशेष सरकारी संस्थेशी भागीदारी केली आहे.

या अभियानाच्या अंतर्गत स्वतःचा व्यवसाय किंवा उद्योग सुरु करण्याची इच्छा असलेल्या मागास भागातील युवकांना ८०० प्रशिक्षक उद्योगविषयक प्रशिक्षण देतील.

भारतीय लघु उद्योग विकास बँक हि भारतातील प्रमुख आर्थिक विकास संस्था असून उत्तरप्रदेशातील लखनऊ येथे त्याचे मुख्यालय आहे.

२ एप्रिल १९९० रोजी भारत सरकारने भारतीय लघु उद्योग विकास बँक स्थापन केली आहे.

error: